سەرەدانێن شاندێ زانکویا دهوک بو زانکویێن بەغدا
سەرەدانێن شاندێ زانکویا دهوك بو زانکویێن بەغدا
د چارچوڤێ بهێزکرنا پەیوەندییێن ئەکادیمی و پێشڤەبرنا هوکارێن زانستی، راگرێ کولیژا پزیشکی ڤێتێرنەری دگەل شاندەکێ زانکویا دهوکێ بە رەڤ پایتەختا عێراقێ ڤە چوون ب مەرما سەرەدانا زانکویێن عیراقی یێن بەر نیاس وەک مێهڤان، ب سەروکاتیا پروفێسور دکتور داوود سلێمان ئەتروشی ، سەروکێ زانکویا دهوک ، وب هەڤکارییا پروفێسور دکتور لوقمان هادی حسن، جێگرێ سەروکێ زانکویا دهوک، دگەل ژمارەیەکا ئەندامێن ئەنجومەنێ زانکویا وهەروەسا دکتور نزار محمد ئەمین رێڤەبەرێ بەشێ پەیوەندییێن نیڤ دەولەتی ل زانکویا دهوک .
هەژی گوتنییە پێشوازی ب گەرمی ل شاندی مێهڤان هاتە کرن ژلایێ - زانکویا بەغدا ب سەروکاتیا پروفێسور دکتور بەها ئیبراهیم ئەنساف.
- زانکویا ئەلموستەنسرییە ب سەروکاتیا پروفێسور دکتور حەمید فاضل حسێن ئەلتەمیمی.
زانکویا بەغدا یا تەکنولوژی ب سەروکاتیا پروفێسور دکتور ئەحمەد موحەمەد حەسەن ئەلغەبان.
دگەل چەند ئەندامەێن ئەنجومەنێن هەرسێ زانکویان و ماموستا و بەرپرسێن کارگێڕی.
د ماوەێ سێ کومبوونان دا ، مێهڤانداران خوشحالییەکا زوور دەربرى ب سەرەدانا زانکویا دهوک و گرنگیا بابەتی پەیوەندییان دیار کر دناڤبەرا زانکویێن هەرێمێ و زانکوییێن ناڤەندی ب مەرەما بلندکرنا هوکارێن ئەکادیمی بو ستاندەرێن نیڤ دەولەتی. هەروەسا رولێ زانکویا دهوک یێ بەرچاڤ ب رێڤەبرنا پەیوەندیان و پەرەپێدانا نەخشێ رێکێ ب رەڤ هەڤپشکى ودەستەواژکاریێن ب تەمەن و بەردەوام دیار کر ب رەڤ دروستکرنا مۆدێلەکا کاریگەر د داهاتووی پێشکەفتی دا.
گەنگەشا پێکهاتێن خواندنا بلند ل هەرێما کوردستانێ و هەرێمێن ناڤەراست هاتە ئەنجام دان وهەروەسا مێکانێزما بلندکرنا ستاندەرێن ئەکادێمی ب رێکا هاریکاری و ئێکگرتن و بکارئینانا ژێدەرێن بەردەست یێن باوەرپێکرى وئەنجامدانا چاڵاکیێن هەڤبەش یێن لێکولینان و زێدەکرنا بەژداریێ د ئێڤێنتێن ئەکادیمی وەک کونفیرانس ،و ورکشوپ و مەشق و راهێنان وکورسێن پراکتیکی و ئاسانکریا ئالوگورێن زانستی دناڤبەرا زانکوییان دا کو ستافێ ئەکادیمی و ئیداری و خوێندکاران و ڤەکولەران ب خووڤە دگریت.
وەک ئەنجاما دوماهیێ سەروکێ شاندێ پەیڤێن جوان ئارستەی سەروکێن زانکویێن ناڤەراست و ئامادەبووان کر بو مێهڤاندارییا گەرم و ماندیبوون وچاڤدێریا درست ب مەرەما سەرکەفتنا کومبوونان و واژووکرنا بەڵگەنامە ودستورێ لێکتێگەهشتنێ.
ئامادەکرن : پەیمان فەخری
زمانێ کوردی : أحمد ناصر قوناغا