سەرەدانا قوتابیێن کولێژا ڤێتێرنەری بۆ بنگەهێ سپرینگ هوپس :

بهێزکرنا پەیوەندییان دناڤبەرا کولیژێ و جڤاکی:

قوتابیێن کولێژا ڤێتێرنەری ل روژا ئێک شەمبی ل رێکەفتی ١ / ١٢ / ٢٠٢٤ سەرەدانا بنگەهێ سپرینگ هوپس کر، د چارچوڤێ (ئەرکێ سیێ یێ زانکویا دهوک) ب ئارمانجا بهێزکرنا پەیوەندییان دناڤبەرا زانکوێى و بەشێن جڤاکی یێن جودا ، بو لێکگوهورینا شارەزاییان دناڤبەرا لایانێن پەیوەندیداروڤەدیتنا دەرفەتێن هەڤکاریا هەڤدو.

ئەڤ سەرەدانە لدویڤ داخوازا فەرمیا بنگەهێ ناڤبری بو و ڕێکەفتییان دگەل ڕێڤەبەریا کولیژێ.بنگەهێ ناڤبری یێ ناڤدارە ل هەرێمێ وبەرنیاسە ب چاڵاکیێن جورا وجور، ژوان چاڵاکیان ئاڤاکرنا زەڤیەکێ بۆ چاڤدێریا هەسپان ل دەڤەرا شاریا.

ئارمانجا سەرەدانێ زێدەگرنا زانینا قوتابیان لسەر کاروبارێن رێکخراوێ وئارمانج لپشت دامەزراندنا رێکخراوێ. وهەر وەسا وەرکرتنا پێزانینێن گرنگ لسەر زەڤیا هەسپا.

د.احسان قادر محمد و د.شڤان نەوزاد حسین دگەل قوتابیان بون ل ڤێ سەرەدانێ دا وهەردووکان ب سوپاسى ڤە ب شێوەیەکێ هویر خێزانێن هەسپان و چەوانیا چاڤدێریا وان و پترین نەساخیێن هەسپان یێن بەربەڵاڤ دگەل رێکێن پاراستن و چارەسەریێ شروڤەکرن.

ئەڤ جورێ سەرەدانا گرنگیەکا تایبەت یا هەی د پەیداکرنا هەڤکاریا دناڤبەرا بنگەهێن ئەکادیمی و ڕێکخستنێن جڤاکی بو بهێزکرنا زانینا پراکتیکی بۆ قوتابیان و دەولەمەندکرنا شاڕەزاییان دکارێ واندا.