ل رۆژا سێشەمبی ل رێکەفتی ١٩/١١/٢٠٢٤ ل هۆلا سمیناران ل کولیژا پزیشکی ڤیتێرنەری بشانازی ڤە مێهڤاندارییا (د. نزار ئەمین محمد/ رێڤەبەرێ بەشێ پەیوەندیێن نیڤدەولەتی ل زانکوێى) هاتە کرن، یە ب مەرەما پێشکێشکرنا سمینارەکێ لسەر میکانیزمێن دەستپێکرنا پرۆژەیێن نیڤدەولەتی.

ناڤەرۆکا سمینارێ بدەولەمەندییا خۆ یا جیاواز بوو ، دناڤدا لسەر وان پرۆژان ئاخفتییە کو ژلایێ زانکویا دهوك هاتینە دروستکرن و برێڤەبرن هەر ژ دەستپێکا دامەزراندنا زانکویێ تا نوکە، و هەروەسا پروژە و پروگرامێن سەرەکی یێن زانکو تێدا بەشداربوی دەست نیشان کرن.

د. نزار دگەل هندێ زانیاری ب تێر و تەسەلی سەبارەت لایانێن پەیوەندیدار و میکانزمێن پەیوەندیکرنێ، و پەیڤ نیاسینا تایبەت ب هەر پروگرامەکى دانە نیاسین .

ئەڤ کومبوونە دناڤ پێشوازیەکا گەرم هاتە برێڤەبرن، ب پشتەڤانی و سەرپەرشتیا رێڤەبەریا کولیژێ ب تایبەتى ژلایێ راگرێ کوليژێ (د. محمد شکری شکر).

دناڤ ڤێ مەراسیمێ دا گرنگی هاتیە دان ب دروستکرنا پەیوەندیێن بهێز دناڤبەرا کولیژا ڤیتێرنەری و بەشێ پەیوەندیێن نیڤدەولەتی. هەروەسا گرنگی هاتە دان لسەر بەرچاڤ وەرگرتنا شارەزاییا ڤی بەشی دگەل شیانێن مەزن یێن کولیژێ بۆ ب دەست ڤەئینانا ئارمانجێن هەڤبەش یێن گرنگ، وەك بدەستڤەئینانا پارێ بەردەست بو پروژان ، بەشدارى د پرۆگرامێن لێگوهرینا ستافی، و پێشئێخستنا پروژێن گرنگ. ئەم هیڤی دکەین کو ئەڤ کومبوونە د پاشەروژێدا رێکێ لبەر هەڤکارییەکا سەرکەفتی ڤەکەت.

پەیمان فەخری