کامیرا کولیژێ ب درێژیا سالا خواندنێ سەرەدانا پشکێن جودا جودا ئەنجام ددەت. ل ٨ کانوینا دووێ ٢٠٢٤ سەرەدانەکا تایبەت هەبو بو سەنتەرێ ڤەکولینێن زانستی یا دهوکێ. سەنتەر ژلایێ دکتور زانان محەمەد ئەمین تاها، پروفیسورێ هاریکارل بسپوریا مایکروبایلوجی وبەکتریولوجیا مولوکیولى دهێتە ب رێڤەبرن.

ددەمێ سەرەدانێ دا، دکتور زانان دوپات ل گرنگیا پەیرەوکرنا رێکارێن خوپارستنێ کر ژ بەری چونێ دناڤ بنگەهی دا. چەندین لێکولەر و قوتابیێن خوێندنا بلند هاتن دیتن کو ب رەنگەکێ چالاک خەریکى ئەنجامدانا تاقیکرنێن خو بوون ومفا ژ خزمەتێن سەنتەری وەردگرتن. جهێ شانازیێ یە کو نێزیکى ٥٠ قوتابیێن خوێندنا بلند ڤەکولینێن خو ل سەنتەری ئەنجام داینە و لێکولینێن وان ل گوڤارێن ناڤخویی ویێن نیڤ دەولەتی یێن ب بناڤ ودەنگ هاتینە بەڵاڤ کرن کو هندەک ژوان ایمپاکت فاکتەرێن بلند هەنە.

رێڤەبەریا سەنتەری پەیوەندیێن هەڤپشک یێن باش هەنە دگەل لایانێن دەرەکى وەک زانکویا مویسل، و زانکویا سەلاحەددین و زانکویا زاخو وئارمانج ئەوە ئەنجامدانا پروژە و لێکولینێن هەڤپشک بو خزمەتا بەرژەوەندیا گشتی و پێشئێخستنا گەشەیا زانستی .

جهێ ئاماژێ یە کو ئینستیتیوتا بورستێل یا ئەلمانی رولەکێ گرنگ هەبو د دامەزراندنا ڤی ناڤەندی دا، چ ژلایێ دارایی ڤە یان ژ لایێ زانستی ڤە. پرانیا پێتڤیێن دامەزراوەیێ یێن سەنتەری دابین کرن ژبو بجهئینانا کارێ خو یێ کاریگەر.

پەیمان فخري