کلینیکێن ڤیتێرنەری یێن گرێدای ب کولیژا پزیشکی ڤیتێرنەری بەردەوام نەخوشیێن نایاز و ئالوز یێن ئاژەڵان وەردگرن و چارەسەر دکەن بکارئینانا شێوازێن نیشتەگەری یێن نوی و پێشکەفتی. 

کەیسێ ئەڤرو گرێدایە ب بزنەکا دووگیان بجێمکا، کو گەلەك جاران ڕوویدەت دبزنێن دووگیاندا، بەلێ دشێت ددەمێ ژدایکبوونێدا ئالوزیەکێ دروست بکەت. پشتی پشکنینێن پزیشکی ودەستنیشانکرنا نەخوشیان لسەر هاتینە کرن، پزیشکێ نیشتەگەر (د. محمد سلیم محمد) چەسپاند کو كێشەیەکا دژوار یا (“عسر الولادة” - Dystocia) ڕوویدایە، و نشتەگەرییەکا سەرکەفتی یا سیزاریان (Cesarean Section) بجهئینا. هەردوو کۆرپەلە بساخلەمی دەرهێنان، هەروەسا چاڤدیریەکا مەزن دایە بزنا دایك پشتی نیشتەگەریێ،  دا ئارامی و ساخلەمییا وێ بپارێزن.

هندەك نیشانێن دیار هەنە کو بزن پێدڤی ب نیشتەگەرییا سیزاریانە:

١-  ئالوزییا کریارا ژدایک بوونێ  ژئەگەرێ نەرێژەیی یا کۆرپەلەی
   ٢-  حەوزێ دایکێ یان شێوێ روێنشتنا نە ئاسایی یا کۆرپەلەی
  ٣-  پێچانا مالبچیکێ، کو رێکێ نا دەتە ژدایکبوونا سروشتی
    ٤-  بەرسڤنەدانا مالبچیکێ بۆ گرژبوونێن سروشتی پشتی دەستپێکرنا ژدایکبوونێ
  ٥-   پچینا مالبچیکێ کو وەك ئەنجام ئالوزییان دروست دکەت لدەمێ ژدایکبوونا سروشتی
٦-  مرنا کۆرپەلەی دماڵبچیکێدا، کو دوی دەمیدا نیشتەگەری یا پێدڤییە بو دەرهێنانا کۆرپەلەی   لدەمێ بارودوخێن تەندروستی یێن توند بۆ دەیکێ چێبن، کو ژیانا وێ بئێخیتە دمەترسیێ دا

نیشتەگەریا سیزاریان (Cesarean section) دەستێوەردانەکا پزیشکی یا گرنگە دەمێ ئەڤ جورێن کێشەیان دروست دبن بۆ پشتراستبوون ژ ساخلەمییا گیانێ دایکێ و کۆرپەلا. هەروەسا، چاڤدێرییا ڤیتێرنەری پشتی نیشتەگەریێ یا گرنگە بۆ بساناهیکرنا چاکبوونەکا تەمام.
بەرهەڤکرنا راپورتی : پیمان فخری و رەسەن سەردار قوتابیێ قوناغا ٢