ترشاتی (الحموضة)

چێلەکا چار سالی هاتە ئینان بۆ کلینیکا ڤێتێرنەری کو دگازندەکر ژ کێمبوونا کێشا لەشی و نەمانا ئارەزوویا خوارنێ. پشتی ئەنجامدانا پشکنینەکا کلینیکی یا تەمام، تیمێ ڤێتێرنەری گومان بر کو تووشی ترشاتیا ئاشکەی (الحموضة الكرشية) بوویە، کو ب ئەگەرێ زۆر ژ ئەنجامێ نەباشیا بڕێڤەبرنا پێدانا ئالیکی و زێدە خوارنا دۆشاڤێ (دبس) پەیدا بوویە.

ترشاتیا ئاشکەی ب تێکچوونەکا میتابۆلی یا مەترسیدار دهێتە هەژمارتن، زۆر جاران ب ئەگەرێ زێدەخوارنا کاربۆهیدراتێن کو شیانا خەمراندنێ هەی پەیدا دبیت، ئەڤە ژی دبیتە ئەگەرێ دابەزینەکا دژوار د پلەیا ترشاتیا ئاشکەی دا. ئەگەر بێی چارەسەری بهێتە هێلان، دێ دبیتە ئەگەرێ تێکچوونەکا دژوار د پرۆسەیا هەرسکرنێ دا، و لاوازبوونا مێژتنا ماددەیێن خۆراکی، و تێکچوونا تەندروستیا گشتی.

بۆ کۆنترۆلکرن و سەرەدەریێ دگەل ڤێ ڕەوشێ، ستافێ کلینیکێ چەندین ڕێنماییێن خۆراکی یێن تایبەتمەند پێشکێشکرن کو ئارمانج ژێ ڤەگەڕاندنا تەندروستیا چێلێ بوو. زێدەباری هندێ، دەرمانێن پێدڤی هاتنە نڤیسین بۆ پالپشتیا چاکبوونێ و جێگیرکرنا ڕەوشا وێ یا تەندروستی. شيرەت ل جوتیار و خودانکەرێن ئاژەلان دهێتە کرن کو ڕێژەیا پێدانا کاربۆهیدراتان ڕێکبێخن و شێوازێن ئالیککرنێ یێن هەڤسەنگ بکاربینن بۆ خۆپاراستن ژ ڤان تێکچوونێن میتابۆلی، دا کو تەندروستیەکا نموونەیی یا هەرسکرنێ و سەلامەتیا ئاژەلان مسۆگەر بکەن.

ئەڤ چارەسەرییە ژ لایێ پڕۆفیسۆرێ هاریکار دکتۆر (نەوزەت ئەبوزێد عیسا) ڤە، دگەل کۆمەکا قوتابیان، هاتە بڕێڤەبرن و سەرپەرشتیکرن.