روژانێن کلینیکێن ڤێتێرنەری:

چارەسەرکرن و چاڤدێریا کەێسێن جۆرا وجور ل کلینیکین ڤێتێرنەری یێن سەر ب کۆلیژا پزیشکی ڤێتێرنەری ڤە، ژیانا ڕۆژانە یا پرە ژ چیروکان ، زانستى و شارەزاێی و دلوڤانیێ تێکەڵ دکەت. لڤێرێ، پرۆفیسۆرێن بەڕێز کو بسپۆڕن دبوارێن جیاوازدا پێکڤە کاردکەن بۆ دابینکرنا چاڤدێری و چارەسەریێن گونجای بۆ ئەوان کەێسێن دگەهنە بەردەست، ئەڤجا چ ئەڤ کەێسە هەوارهاتن بیت یان دۆم درێژ بیت.

گەشتا مە دەست پێدکەت ژ دەستنیشانکرنێ:

هەر کەێسەک ب چیرۆکەکێ دەست پێدکەت کو خودان د دارێژیت لسەر ئاژەلێ نەخۆش. تیما پزیشکی ب هویری مێژوویا پزیشکی بەڵگەنامە دکەت، و پشکنینێن کلینیکی و تاقیگەیێن ورد ئەنجام ددەن، و هۆکارێن بنەڕەتی یێن نەخۆشیێ ئاشکرا دکەت. و لدەمێ دهێتە دەستنیشانکرن، پرۆفیسۆرێ سەرپەرشتیار پلانەکا چارەسەریا گشتگیر دیاردکەت کو لدویڤ کەێسى یا گونجایە.

کۆمەك ژ کەێسێن بەربەلاڤ:

کلینیك رەفتارێ دگەل چەندین کەێسان دکەن، ژوان ژی:

برینداربوونێن دەرەکی: وەك شکەستن و برین کو پێتڤی ب بکارئینانا نەشتەرگەریان هەیە.

نەخۆشیێن ناڤەندی: وەک تێکچوونێن گەدەی و ڕێڤیکان یان هەناسەدانێ.

نەخۆشیێن توشبوونی: کو پێتڤی ب پشتگرتن و چاڤدێریێن تایبەت هەیە بۆ ڕێگریکرنا بەڵاڤبوونێ.

ڕێکێن خۆپاراستنێ: بەرزکرنا هۆشیاریدانێ، پێشنیارکرنا ڤاکسینێن پێتڤی، هەروەسا چارەسەرکرنا مشەخۆران.

دەستێوەردانێن پزیشکی:

هەمی کەیس ب هویربوونەکا زێدە دهێنە برێڤەبرن. پرۆفیسۆرێن خۆدان شیان سەرپەرشتیا ڕێکارێن نشتەرگەری و دەستێوەردانێن پزیشکی دکەن، هەروەسا پشتراست دبن ژوێ کو قوتابی ئەزموونیێن پراکتیکی بدەستڤە دئینن و سوودمەند دبن د شارەزایێن هاوبەش دا.

پابەندبوون و گرنگیپێدان:

سەرکەڤتنا چارەسەریکرنێ بتنێ پشت ب پزیشکێن ڤێتێرنەری نابەستیت بەڵکو پشت ب خودانێ ئاژەڵ بەخش ژی دبەستیت بۆ جێبەجێکرنا ڕاسپاردنا تیمێن پزیشکی، ژوان ژی برێڤەبرنا بکارئینانا دەرمانان ددەمێ خۆ یێ دروست دا، و دابینکرنا ژینگەهەکا گونجای بۆ چارەسەربوونێ.

کلینیکێن کۆلیژێن پزیشکی ڤێتێرنەری نە بتنێ جهێ چارەسەرکرنێ نە؛ بەلکو ئەو فێرکەرێن ناوازەیێن دەوروبەرن کو پشکدارن دئامادەکرنا جیلێن نوی ژ پزیشکێن ڤێتێرنەری کو هەم زانیاری و هەم کارکرنێن پراکتیکی دخەملینن. ئەڤ هەوڵدانە کولیژان ڕەنگڤەددەن کو پابەندبن ب ئەرکێ خۆ، کو ژ خزمەتکرنا کۆمەڵگەهێ و پشتراستبن ژ تەندروستی و چاڤدێریکرنا ئاژەڵان.

پەیمان فەخری