ڕاگرایا کۆلیژا پزیشکی ڤێتێرنەری

١٧ ی خزیران ٢٠٢٦

کۆلیژا پزیشکی ڤێتێرنەری ئەڤڕۆ پێنج قوتابی خەلاتکرن ب باوەرنامێن ڕێزلێنانێ ، وەک دەربڕینەک ژ سوپاسیا کۆلیژێ بەرامبەر بزاڤ و کارێن وان یێن خۆبەخش وبەرچاڤ کو د درێژییا سالا خواندنێ دا پێشکێشکرین.

ئەڤ قوتابییە ژ دەستپێکا سالا خواندنێ چوونە د ناڤ کارێن خۆبەخشیێ دا، و پشکدار بوون بجهئینانا کۆمەکا دەسپێشخەریان و پرۆژەیێن ئارمانجدار بۆ بلندکرنا ئاستێ هۆشیاریێ د ناڤبەرا قوتابیان و هەمی تەخ و توێژێن کارمەندێن کۆلیژێ دا.

قوتابیێن خۆبەخش ب گەرموگۆڕی کاردکر بۆ ڕێکخستن و جوانکرنا چەندین گۆشە و جهان د ناڤ کۆلیژێ دا، ئەو ژی ب ڕێیا نەخشەکێشانێ، پۆستەران، و کارێن دەستی یێن جۆرە وجۆر کو دیمەنەکێ جوان و مرۆڤایەتی پەیدا کری ل کۆلیژێ، و بوویە ئەگەرێ خۆشکرنا کەشوهەوایێ خواندنێ و گەشەپێدانا هەستێ گەشبینی و کەیفخۆشیێ .

ڕاگرێ کۆلیژێ، دکتۆر محمد شکری شکر، سوپاسی و ڕێز ئارستەی قوتابییان کر بو بزاڤێن جودا و بەرچاڤ یێن تیمی ، و داخاز ژ قوتابیان کر کو بازنێ کارێن خۆبەخشی بەرفرەهتر لێ بکەن داکو ژمارەکا زێدەتر یا قوتابیێن کۆلیژێ بخوڤەبگریت ، دیسان هەماهنگی و پەیوەندیێ دگەل قوتابی و فەرمانبەرێن کۆلیژێن دیتر بهێزتر بکەن بۆ بجهئینانا پرۆژەیێن گەهشتی و کارتێکەر ل سەر جڤاکێ زانکۆیێ. هەروەسا جەخت کر ل سەر گرنگییا پاراستنا ڤێ رووحا کۆم و هەڤالینییا د ناڤبەرا وان د کارێ خۆبەخشی دا چێبووی ، داکو پشتی دەرچوونێ ژی بەردەوام بیت، و دیارکر کو ئەڤ جۆرە ئەزموون و پێنگاڤ د هزرا مرۆڤی دا دمینن و د پاشەڕۆژێ دا بیرهاتنێن ئەرێنی ل دویف خۆ دهێلن.

ئەڤ خەلاتکرنە ڤان قوتابیان ب خۆڤە دگرت:

• رەوشن قدري عبد الله
• ئاريڤان أحمد محمد
• هەلات ديار طيب
• مانويلا ميشێل أوراهام
• ئالاء عمر حسن

چەند دیمەنێن جوان ژ کەشوهەوایێ خەلاتکرنێ، و د نێزیک دا دێ وێنەیێن قۆناغێن بجهئینانا ڤان پرۆژەیان (بەری بجهئینانێ و پشتی بجهئینانێ) بۆ هەوە بەلاڤ کەین.