ئەڤرۆ کەشوهەوایێ کۆلیژێ گۆهڕین ب خۆڤە دیت، ژ بەر کو بزاڤ و ماندووبوونا هەمیان د هەوا پاقژکرنێ دا یەکگرتن، ئەوا ژ لایێ کارگێڕیا کۆلیژێ ڤە هاتیە ڕێکخستن ب مەرەما دروستکرنا ژینگەهەکا ساخلەم و پاقژ بۆ هەمیان. ئەڤ هەوە ب گیانێ هەڤکاری و هەستکرن ب بەرپرسیارەتیێ د ناڤبەرا هەمی پشکداربوویان دا هاتە جوداکرن و نیاسین.

ل سەر ناڤێ ڕاگرێ کۆلیژێ، ئەم پڕ بەدلی سوپاس و پێزانینێن خۆ ئاراستەی هەمی مامۆستا (ستافێ ئەکادیمی)، فەرمانبەر، قوتابی و خۆبەخشان دکەین کو پشکداری د ڤێ هەوێ دا کرین. ب سایەیا ماندووبوون و بزاڤێن هەوە یێن دلسۆزانە، ئەم شیاین چەندین جهان پاقژ بکەین و دیمەنێ گشتی یێ کۆلیژێ جوانتر و باشتر بکەین. ئەم هیڤیدارین ئەڤ گیانێ هەڤکاریێ یێ بەردەوام بیت، و پێگڤە پارێزگاریێ ل پاقژیا کۆلیژا خۆ بکەین، و مل ب ملێ ئێك کار بکەین ژ بۆ دابینکرنا ژینگەهەکا فێرکرنێ یا باشتر.