كوردي
مەراسیمێن رێزلێنانێ وخواترخاستنی یا پروفیسور وفەرمانبەرێن گەهشتینە بەربەستا خانەنشینێ ل کولیژا پزیشکی ڤیتێرنەری لرۆژا سێشەمبی بەروار ٢٥/٢/٢٠٢٥ 
دکەشەکێ سوپاسداری دا، کولیژا پزیشکی ڤیتێرنەری ب سەروکاتیا دکتور محمد شکری شکر مەراسیمەکا خەلاتکرنێ برێڤە بر ژبو پیرۆزکرنا بەهرەمەندیا ژیانا چەندین پرۆفیسورێن ئەکادیمی و کارمەندێن بەرێزێن ناڤدار، کو پشتی چەند ساڵین خەبات و خزمەتکاریا خۆ گەهشتینە بەربەستا خانەنشینێ. 
چاڵاکی ب بخێرهاتنەکا دڵگەرم دەستپێکر کو ڕەنگڤەدانا هەستێ هەڤاڵینی و برایینی یا جوان یا چەند ساڵان دناڤبەرا کارمەندان دا کریە. 
ئاخفتنێن دڵسوز و سوپاسی هاتنە دان بۆ پێناسین و رێزلێگرتنا کار و ماندیبوون و هەڤکاریا وان یا بهاگران، هەروەسا ئەو کارتیکرنا لسەرجەم کولیژێ کری کو دێ بەردەوام یا بەرچاڤ بیت.  
ئاهەنگ نە بتنێ بو خاترخواستنێ بوو، بەلێ هەروەسا رێزلێنان بوو بۆ دەستکەفتیێن وان و لبیرئینانا هندێ کو هەمی هەڤاڵینی و پەیوەندیێن بهێز یێن هاتینە ئاڤاکرن دساڵێن کاری دا دێ لدەرڤەی جهێ کاری ژی بەردەوام بن.
تێکەلیەکا هەستێ خۆشی و سەربلندی و نوستالژیا  پەیدابوو ل دەمێ هەڤکاران سوپاسگوزاری و شانازی یا خۆ دیارکری، کو دەربرینا دڵسوزیا وان کرییە ڤە. مەراسیم بدوماهیك هات ب پێشکێشکرنا دیاریێن یادگار و کێشانا هندەك وێنەیان دا کو ئەڤ بیرهاتنێن بها گران هەر و هەر بو مە بمینن. ب دڵسوزی، هەمی لایەنان هیڤیێن خۆ یێن دڵنەرم بۆ خانەنشینان دەربڕین بۆ دەستپێکا قوناغەکا نوی یا ژیانا وان ب دلخۆشی و تەندروستی و سەرکەفتنەکا بەردەوام.
راپورتا : پەیمان فخری و رەسەن سەردار قوناغا ٢