نساخی ومایكروبایلوجی
پشکا نەساخى ومایکروبایولوجى
سەروکێ پشکی
د. ژڤان قاسم احمد
ماموستا
ژمارا تلفونێ : 9647504907280+
: ئیمیل : [email protected]
داهێنان د بوارێ پزیشکییا ڤێتێرنەری دا ب گۆرەی پێوەرێن نێڤدەولەتی و پێشەنگبوون د پەروەردا ڤێتێرنەری و ڤەکۆلینێن زانستی دا. ئەم یێن خودان ئەزموونین د گەشەپێدانا ئاژەلێن کێلگەیی ژ جۆرێن جودا (بۆ نموونە: کاویێژکەر و پەلەوەر) و ئاژەلێن مالیکەوی، هەروەسا دابینکرنا ساخلەمییا ئاژەلی ب رێکا ژینگەهەکا پاقژ.
پەیاما پشکێ:
پەیاما مە ئەوە کو چەمکێن سەرەکی یێن زانستێ ڤێتێرنەری فێری قوتابیان بکەین د ناڤ پرۆگرامی دا، دا کو زانیاریێن وان یێن تیۆری و پراکتیکی ب هێز ببن و بهێنە بەرهەڤکرن بۆ کارێ وان یێ پاشەرۆژێ د ڤی بواری دا.
ئەڤ پرۆگرامە کوریکۆلەمیەکێ گشتگیر و جۆراوجۆر ب خۆڤە دگریت کو پێکدهێت ژ وانەیێن رووبەروو، جێبەجێکرنا پراکتیکی، و مەشقکرن (internships) بۆ قوتابیێن قۆناغا بەکالۆریۆسێ.
- د سالا ئێکێ دا: قوتابی وانەیێن بایۆلۆژییا خانە و گەردی، دیبەتا زانستی، کوردۆلۆجی، کۆمپیوتەر و ئینتەرنێت، کیمیا، زمانێ ئینگلیزی، و ب رێڤەبرن و رەفتارا ئاژەلی دخوینن.
- د سالا دویێ دا: قوتابی بایۆکیمیا، بۆماوەزانی و بایۆتەکنەلۆژیایێ دخوینن.
- د سالا سێیێ دا: چەمکێن سەرەکی یێن نەخۆشییان وەکی: نەخۆشییزانی (Pathology)، مایکرۆبایۆلۆژی، پاراسایتۆلۆژی، خوارن (Nutrition) و بەرگرییزانی (Immunology) دهێنە گۆتن.
- د سالا چارێ دا: ب شێوەیەکێ تایبەتتر نەخۆشیێن پەلەوەری دگەل چەوانیا ب رێڤەبرنا وان دهێنە گۆتن.
- د سالا پێنجێ و دوماهییێ دا: بابەتێن وەکی ساخلەمییا خوارنێ، ساخلەمییا ئاژەلی، نەخۆشیێن ماسیان، پزیشکییا داد و تەشرێحا پشتی مرنێ (Post Mortem) دهێنە خواندن.
پشکا مە دەرگەهێن وێ ڤەکرینە بۆ قوتابیێن خواندنا بلند یێن کو دخوازن ماستەر یان دکتۆرایێ د ڤی بواری دا ب دەست بێخن.
پشکا مە بەردەوام هەولددەت بۆ پێشخستن و نویخوازیا بابەتان، بلندکرنا ئاستێ وانەگۆتنا تیۆری و پراکتیکی، و دابینکرنا نوێترین پەرتووک، گۆڤارێن زانستی و کەرەستەیێن تاقیگەهێ.
