كۆليژا پزيشكى يا ڤێتێرنەرى

كۆليژا پزيشكى يا ڤێتێرنەرى ل هەیڤا شه‌شا (حوزەیرانا) سالا ١٩٩٦ێ هاتییە دامەزراندن. ئەڤ كۆليژە ئێكە ژ سەنتەرێن پێشەنگ یێن ڤەكۆلینێن ڤێتێرنەرى ل كوردستانێ. هەروەسا پشتەڤانیێ ل پیشەیا ڤێتێرنەرى دكەت ب رێكا خزمەتگۆزاریێن دەستنیشانكرنا نەخۆشیان و پێشكێشكرنا خولێن بەردەوام یێن گەشەپێدانێ بۆ پشكان. پرۆگرامێ خواندنێ ئەزموونێن تیۆری، پراكتیكی و كلینیكی د بیاڤێن جودا یێن پزیشكى و نەشتەرگەرییا ڤێتێرنەرى دا دابین دكەت. زمانێ فەرمی یێ خواندنێ ل كۆلیژێ زمانێ ئینگلیزییە.

ئارمانجا سەرەكى یا كۆليژا پزيشكى يا ڤێتێرنەرى ئەوە كو قوتابیێن خودان شیان ئامادە بكەت دا كو بەرسڤا پێدۆيستيێن نوكە و یێن پاشەرۆژێ یێن خزمەتگۆزاریێن وان یێن پیشەیی بدەن. دهێتە چاڤەرێكرن كو دەرچووی (پزیشكێن ڤێتێرنەرى) وان ئەركێن تەندروستی یێن كو گیانەوەر، مرۆڤ و ژینگەهێ ب خۆڤە دگریت بجهـ بینن؛ وەك چاڤدێریكرنا وان گیانەوەرێن دبنە ژێدەرێن خوارنێ (رەشەوڵات، پەز، بزن، مریشك و بالندە، و ماسی)، رێگریكرن ژ نەخۆشیان و چارەسەركرنا گیانەوەران ب بكارئینانا رێكێن سەردەمیانە یێن چارەسەریێ و ئەنجامدانا نەشتەرگەریان.